Kolberg: Veldig alvorleg at Politidirektoratet feilinformerte

Kontrollkomiteleiar Martin Kolberg ser svært alvorleg på at Politidirektoratet feilinformerte departementet om oppfølginga av instruksen om terrorsikring.

Sterke motsetningar og spent stemning prega den første av den to dagar lange høyringa til Stortingets kontroll- og konstitusjonskomité om terrorsikring måndag.

Bakgrunnen for høyringa er denne: Den 1. januar 2011 kom ein ny instruks om betre terrorsikring. Fire år seinare, i 2015, var det framleis "svært alvorlege" manglar i politiets og Forsvarets evne til å sikre bygningar og infrastruktur i ein trusselsituasjon, ifølgje Riksrevisjonen.

Høyringa vart innleidd med toppsjefane i Forsvaret, Heimevernet, politiet, Nasjonalt tryggingsorgan, og til sist tidlegare justis- og beredskapsminister Anders Anundsen (Frp). Tysdag er det forsvarsminister Ine Eriksen Søreide (H), Anundsens etterfølgjar Per-Willy Amundsen (Frp) og statsminister Erna Solberg (H) som skal forklare seg.

Det kontrollkomiteen vil ha svar på, er kvifor dette arbeidet har tatt så lang tid.

– Veldig alvorleg

Anundsen peikte i høyringa på at departementet i hans tid som statsråd ikkje var klar over at instruksen ikkje var følgt godt nok opp før Riksrevisjonen påpeikte alvorlege manglar i sin rapport. Det var også grunnen til at dette ikkje vart gripe fatt i tidlegare. At Politidirektoratet gav feil informasjon til departementet, viser svakheiter og risikofaktorar, innrømde den tidlegare statsråden.

At departementet vart feilinformert om den reelle situasjonen, er komitéleiar Martin Kolberg svært kritisk til.

– Det kom veldig tydeleg fram av det Anundsen har sagt, at dei vart feilinformerte frå Politidirektoratet. Det er veldig alvorleg på eit så alvorleg og følsamt område, konstaterte Martin Kolberg då han runda av første høyringsdag.

Den tidlegare Frp-statsråden hadde då bekrefta at han meiner Riksrevisjonens framstilling er korrekt, og at oppfølginga av instruksen om betre terrorsikring var hans konstitusjonelle ansvar då han sat som statsråd.

– Eg håpar vi kan ta lærdom av at sjølv om det blir gjennomført mykje og det blir gjort eit stort stykke arbeid, så er det alltid ein risiko for at noko glepp, sa Anundsen.

Rykande ueinige

Anundsen meiner elles at den generelle beredskapen aldri har vore betre enn den er no. Tidlegare på dagen var både forsvarssjefen og politidirektøren rykande ueinige i Riksrevisjonens påstand om manglande evne til terrorsikring.

– Eg deler ikkje Riksrevisjonens vurdering av at Forsvaret ikkje er i stand til å sørgje for skikkeleg objektsikring. Vi har kunnskap, kompetanse og materiell til å beskytte kvart eit objekt, slo forsvarssjef Haakon Bruun-Hanssen fast.

– Politiet har aldri samarbeidd meir eller betre med Forsvaret. Riksrevisjonen har ikkje tatt tilstrekkeleg omsyn til dette arbeidet i sine konklusjonar, påpeikte politidirektør Odd Reidar Humlegård.

– Når det gjeld sikringsverdige objekt, har vi prioritert dei viktigaste bygga, og dei er no innanfor ein gullstandard, slo han fast i høyringa.

Bruun-Hanssen erkjenner likevel at arbeidet med terrorsikring har tatt tid, og at arbeidet har vore betydeleg meir omfattande enn nokon såg for seg då forskrifta kom i 2011. Det la også direktør for Nasjonalt tryggingsorgan (NSM) Kjetil Nilsen vekt på i sitt vitnesbyrd til komiteen.

(©NPK)

Meir å lese på Sunnmøringen:
Siste nyheter

Seks fylkesleiarar i KrF avviser regjering med Ap etter valet

Kvar tredje fylkesleiar i KrF seier blankt nei til å gå i regjering med Ap. Ytterlegare to er svært skeptiske til eit slikt samarbeid. Berre tre seier ja.

Trondheim kommune fekk pris for integrering

Integrerings- og mangfoldsdirektoratet (IMDi) meiner Trondheim var best til å busetje og integrere flyktningar i 2016 og lønnar kommunen med Busettingsprisen.

Hovudindeksen enda akkurat i 0

Hovudindeksen på Oslo Børs svinga gjennom onsdagen, men avslutta nøyaktig der den starta – på 698,50 poeng.

Sjukehuslegane stemnar Spekter for Arbeidsretten

Akademikerne helse tar feiden med Spekter om sjukehuslegane til Arbeidsretten, melder NRK. Striden står om arbeidstid.

Vedum til papirkamp for pensjonistane

Sp-leiar Trygve Slagsvold Vedum innbyr til slippfest dersom han får fleirtal for forslaget om å sende utbetalingsmeldingane til pensjonistane i posten.

Mjølkekvalitet

Fekk topp karakter

Solfrid og Ivar Frøysadal frå Stranda fekk denne veka TINEs høgste utmerking for topp mjølkekvalitet; Sølvtina.

Sommarrute

Til Oslo om ettermiddagen

Nordfjordekspressen si ettermiddagsrute er tilbake i sommarsesongen.

Fredag inviterer russen til revy i Storfjord kulturhus

Engasjert for eldre

Russerevyen byr ikkje berre på underhaldning.

Dreamteamet tok pokalen

Dreamteamet har vore på Høddvoll og delteke på den årlege Laurdagscupen.

Fylkesmannen

Vil sjekke korleis kommunen brukar tvang

Fylkesmannen vil i sommar kome på ubedne besøk for å sjå om det blir nytta tvang i kommunale helse- og omsorgstenester.

Idrettskretsen har etablert ungdomsutval

Og ein Liabygding trer inn som nestleiar.

Hellesylt

Tida renn ut for unikt galleri

Kan verdsarvsenteret i Geiranger berge Peer Gynt?

Med Sartre som inspirasjon

– Kven er eg?

Teatret Vårt kjem denne veka til Stranda med eit teaterstykke inspirert av ingen ringare enn Jean-Paul Sartre.

Stranda Fjellgrend på fritidsmesse

Lanserte Strandahytta

Bygger fire 30 kvm. store hytter ved Strandafjellet Skisenter.

Godt renn for Stranda Alpint:

Fleire Vestlandsmeistere

Dei unge og lovande Stranda alpinistane leverte fleire gode prestasjonar denne helga.