Protest Ein traktor med bilete av landbruks- og matminister Jon Georg Dale (Frp) stod parkert utanfor Landbruks- og matdepartementet i Oslo tysdag, i samband med at jordbruksorganisasjonane sa nei til tilbodet frå staten i jordbruksforhandlingane. (Foto: Vegard Wivestad Grøtt / NTB scanpix)

Protest Ein traktor med bilete av landbruks- og matminister Jon Georg Dale (Frp) stod parkert utanfor Landbruks- og matdepartementet i Oslo tysdag, i samband med at jordbruksorganisasjonane sa nei til tilbodet frå staten i jordbruksforhandlingane. Foto: Vegard Wivestad Grøtt / NTB scanpix

Jordbruksoppgjeret

Aksjonerar i protest

Bøndene startar torsdag aksjonar for å skape merksemd rundt landbruket, men lovar at folk flest ikkje vil bli skadelidande.

Etter at det tysdag vart brot i forhandlingane mellom jordbruksorganisasjonane og staten, skal jordbruksoppgjeret til behandling i Stortinget 16. juni. No startar bøndene aksjonar med ein traktorkolonne på E39 frå Breim i Gloppen i retning Sandane frå klokka 10.

Fleire markeringar i vente

Bondelagsleiaren i Sogn og Fjordane seier aksjonane ikkje vil gå utover forbrukarane.

– Forbrukarane er våre viktigaste allierte, så det kjem ikkje til å gå veldig hardt utover folk flest, seier leiaren i Sogn og Fjordane Bondelag, Anders Felde, til NRK torsdag.

Han seier dei vil samarbeide med publikum for å unngå problem med trafikkavviklinga.

Framover kan det ventast ulike markeringar frå bøndene for å skape merksemd rundt landbruket.

– Vi kjem nok til å markere framover no, det blir ei viss merksemd rundt landbruket. Den måten dei produserer mat på, skal vi prøve å profilere i dei dagane som kjem, sa Lars Petter Bertnes på NRKs Politiske kvarter torsdag.

Bondelagsleiar Anders Felde er klar for å kjempe.

– Vi rustar sjølvsagt til kamp. Vi skal vise kvifor vi ikkje greidde å bli einige med staten, seier Felde.

– Politisk spel

Morten Ørsal Johansen, Frps landbrukspolitiske talsmann, meiner jordbruksorganisasjonane takka nei til avtalen for å gi draghjelp til Senterpartiet i valkampen, ikkje fordi avtalen ikkje var god nok.

– Dette er eit politisk spel, det dreier seg ikkje om pengar. Sp skal ikkje tape ansikt i valkampen, sa han i Politisk kvarter på NRK torsdag.

Leiaren i Senterpartiet, Trygve Slagsvold Vedum, seier det ikkje handlar om spel, men om realitetar.

– Vi skal ha ein levande norsk matproduksjon. Stortinget har vedtatt eit mål om å tette inntektsgapet. Det er ei viktig verdikjede for landet, og det må vere lønsamt å produsere mat, meiner Slagsvold Vedum.

Statens tilbod i oppgjeret har ei høgare ramme enn sluttresultatet som Bondelaget aksepterte i fjor og året før, men er langt under kravet på 1,45 milliardar kroner.

Meir å lese på Sunnmøringen:
Siste nyheter

Rekneskapsslurv gir skatteetaten millioninntekter

Ein ny regel frå januar i år om tvangsmulkt for næringsdrivande som slurvar med å levere inn lovpålagde opplysningar har ført til millioninntekter for staten.

Amundsen: Eg kjenner meg ikkje igjen i kritikken til Mood

Justisminister Per-Willy Amundsen (Frp) meiner regjeringa har satsa kraftig på beredskap, og avviser Robert Moods kritikk om at Noreg har store sikkerheitshol.

Kampfly nummer fem levert til Noreg

Det femte av inntil 52 F35 kampfly vart overlevert til det norske luftforsvaret i Arizona i USA 25. mai. Men det kjem ikkje heim enno.

Fem TV 2-tilsette tar kanalen til retten

Fem tilsette i TV 2 som har fått oppseiing i den omfattande nedbemanningsprosessen, tar ut stemning mot arbeidsgivaren.

14 års fengsel for hovudmannen bak P-husdrapet i Oslo

Hovudmannen bak drapet i eit parkeringsanlegg på Grønland i Oslo i 2014 er i lagmannsretten dømd til 14 og eit halvt års fengsel. 

Folketalsutviklinga

Raude tal sidan 2016

I løpet av årets første kvartal har folketalet i Stranda kommune gått ned frå 4.623 til 4.590.

FV63 Langvatn/Djupvasshytta

Vegen opnar i ettermiddag

Statens Vegvesen melder at FV63 mellom Langevatn og Djupvasshytta opnar i dag fredag.

Gondolbana i Loen

Pengedryss i marknadsføring

Sist helg opna dronning Sonja den nye gondolbana i Loen. No opnar Nærings- og fiskeridepartementet lommeboka.

Sunnmøre Museum og Blåtind i Stordal

Paraplyvêr på pensjonisttur

Med ein god porsjon godt humør rista pensjonistane frå Stranda av seg regnet då dei Kristi Himmelfartsdag besøkte Sunnmøre Museum.

Misjonssambandet

Stor misjonssamling i Stranda

Norsk Luthersk Misjonssamband samlar troppene i Stranda.

Unni Wilhelmsen til Eidsdal

Komande helg, 26. og 27. mai, inviterer Eidsdalsrørå til familie- og kulturfest for fjerde året på rad.

Stranda

Glede over politi-vedtak

Ordførar Jan Ove Tryggestad i Stranda gler seg over at lensmannskontoret ikkje blir lagt ned.

Freista med korps-konsert

I fjor gjorde Stranda skulekorps god rekruttering, no håpar dei på å gjenta suksessen i år.

Stranda vg. skule

Selte 600 smoothie

 Ungdomsbedrifta ZUP UB frå Stranda vidaregåande skule har selt over 600 flasker med smoothie, deriblant frå Rema sin butikk på Stranda.