Opptur på Oslo Børs

Telenor og fleire andre bidrog til at hovudindeksen på Oslo Børs lyfte seg 1,10 prosent til 729,18 poeng måndag. Men Norske Skog-aksjen stupte.
innenriks

Dagens mest omsette aksje var vinnaren Telenor, som gjekk opp 8,20 prosent. Statoil var nest mest omsett. Han gjekk ned 0,64 prosent.

Deretter følgde Norsk Hydro, Marine Harvest og DNB på omsetningslista. Alle selskapa auka i verdi med høvesvis 0,58, 1,91 og 0,94 prosent.

Dagens tapar blei Norske Skog, som fall med heile 21,13 prosent. Aksjen byrja å stupe då Oslo Børs opna måndag morgon etter at selskapet offentleggjorde fleire detaljar om forhandlingane med obligasjonseigarane, skriv DN.

To av dei tonegivande børsane i Europa var prega av svak nedgang fredag. CAC 40 i Paris gjekk ned 0,04 prosent og DAX 30 i Frankfurt gjekk ned 0,13 prosent. FTSE 100 i London gjekk opp 0,44 prosent.

Ved børsslutt måndag blei eit fat nordsjøolje omsett for 48,88 dollar, ein marginal nedgang på 0,02 prosent.

(©NPK)