Mann død etter drukning på Hareid i Møre og Romsdal

Ein mann i 60-åra er død etter å ha falle i sjøen ved ferjekaia på Hareid i Møre og Romsdal.
innenriks

Helsepersonell på staden erklærte mannen død etter å ha henta han opp av vatnet, opplyser politiet på Twitter. Det er ingenting som tyder på at drukninga kjem av noko anna enn eit uhell, ifølgje politiet i Møre og Romsdal.

– Vi fekk melding rundt 15.15 onsdag om at ein mann var observert i sjøen. Det blei gjort forsøk på gjenoppliving, seier operasjonsleiar John Kåre Flo til NTB.

Politiet undersøkjer mellom anna overvakingsbilete på staden for å avklara korleis hendinga har gått føre seg.

(©NPK)