Opptur på Oslo Børs

Hovudindeksen på Oslo Børs løfta seg 0,67 prosent onsdag og låg på 761,44 poeng då handelen blei avslutta. Norske Skog-aksjen stupte kort tid etter opning.
innenriks

Statoil-aksjen blei den mest omsette onsdag med ein oppgang på 1,87. Norsk Hydro blei den nest mest omsette onsdag, men aksjen fall 0,68 prosent. DNB, Telenor og Marine Harvest enda alle dagen i grønt, med høvesvis 1,44 prosent, 0,99 prosent og 0,65 prosent opp. Yara International fall med 1,28 prosent og Golden Ocean Group fall med 3,79 prosent.

Norske Skog-aksjen stupte over 74 prosent til 0,23 kroner per aksje dei første seks minutta av handelen onsdag. Tysdag kom nyheita om at kreditorar tel kontrollen over dei sju fabrikkane til selskapet. Utover dagen stabiliserte aksjen seg og enda med eit fall på 43,33 prosent.

I Frankfurt løfta DAX-indeksen seg 0,26 prosent, CAC-indeksen i Paris gjekk opp 0,28 prosent, mens FTSE-indeksen i London fall så vidt med 0,04 prosent.

Eit fat nordsjøolje blei onsdag ettermiddag omsett for 54,52 dollar, ein auke på 0,46 prosent, og eit fat amerikansk lettolje blei omsett for 48,72 dollar, 1,02 prosent opp.

(©NPK)