Edvartsen: – Eg legg meg flat og skal endre meg

Svein-Erik Edvartsen er motivert for å komme tilbake som toppdommar neste sesong og vil endre kommunikasjonsform for å vinne tilbake tilliten i dommarmiljøet.

– Eg har ein stor jobb å gjere med å endre kommunikasjonsforma mi slik at ho blir meir etande for alle. Klarheit og ærlegheit må ein tole i ei stor prestasjonsgruppe, men det treng ikkje vere uhøviske eller stygge meldingar som gjer at folk føler seg mobba og trakasserte, sa Edvartsen i eit intervju med TV 2 tysdag.

Han la seg «paddeflat» og beklaga tekstmeldingane som han har sendt til dommarkollegaer, og seier han tar sin store del av ansvaret for den store konflikten som har blussa opp i 2017.

– Det starta med ein fagleg diskusjon, som eg kunne handtert på ein anna måte. Og så eskalerte det dessverre, seier dommaren, som ikkje skal dømme i toppdivisjonane denne sesongen.

Lært mykje

Edvartsen seier han har tatt stor lærdom av det som har skjedd.

– Eg krev veldig mykje av meg sjølv, og eg krev mykje av dei rundt meg. Eg er ingen A4-person. Eg tar stor plass, og eg har ein direkte, ærleg, og kanskje overtydeleg kommunikasjonsform. Eg har aldri meint å trakassere eller mobbe nokon. Eg skal sjølvsagt endre kommunikasjonsform, sa Edvartsen, som var tydeleg på at han tok sin del av ansvaret for det som har skjedd i 2017.

I eit 25 minutt langt intervju med Davy Wathne i TV 2 sa Edvartsen gong på gong at han legg seg flat. Han sa òg at han har stor respekt for dommarsjef Terje Hauge, at han er villig til å skvære opp med han, og at det aldri har vore hans intensjon å bli kvitt Hauge.

Motivasjon

Han avslo å kommentere detaljane i avtalen som vart inngått da toppdommarkontrakten hans for i år vart avslutta. Edvartsen viste til at avtalen er konfidensiell.

– Eg skal gjere mitt for å byggje opp igjen tilliten i dommarmiljøet. Det er ein stor motivasjonsfaktor for meg at det er opna opp for at eg kan komme tilbake i 2018. Og eg skal gjere alt eg kan for å få til det, både i forhold til dommarkollegaer, dommarsjef og dommarkomiteen, sa Edvartsen i intervjuet.

Han sa òg at han kjem til å dømme fotball i 2017 på lågare nivå, men kunne enno ikkje seie på kva nivå.

(©NPK)

Meir å lese på Sunnmøringen:
Siste nyheter

Kveen: – Northug burde fått sjansen

Petter Northug er kraftig irritert etter vrakinga frå verdscupstarten. – No må han brette opp ermene og ta utfordringa, seier trenar Stig Rune Kveen til NTB.

Nordhaug parkerer sykkelen

Lars Petter Nordhaug (33) gir seg i Aqua Blue-laget og legg opp som proffsyklist.

Northug vraka til verdscupopninga

Petter Northug fekk ikkje oppfylt ønsket om å gå verdscupopninga i langrenn i Ruka kommande helg.

Svendsen får sjansen i Ruka

Anna Svendsen viste musklar i langrennsopninga på Beitostølen. Lønna vart plass til verdscuprenna i Ruka kommande helg.

Ny siger for curlinggutane

Noreg og skip Thomas Ulsrud hadde få problem med å slå Slovakia 7–2 i curling-EM måndag. Det var tredje siger for det norske laget i meisterskapen.

Fv 60 Hornindal-Hellesylt

Omfattande berging

Fylkesveg 60 er stengt for tunge køyretøy i Indre Hornindal, men personbilar kan køyre om.

"Vestlandet":

Ber om fylkesnamn som ikkje provoserer naboane

Fylkesutvalet i Møre og Romsdal med klar tale til Stortinget.

Sesongopning ved Strandafjellet skisenter

Fryda seg vilt i djupsnøen

Ring søkjer eigar:

Har du mista gifteringen din på ferja?

Mannskapet på M/F Sykkylvsfjord passar i tilfelle godt på den – men dei vil gjerne gi den tilbake!

Martine Lorgen Øvrebust

10.-plass på Beitostølen

Glatte vegar – også i Stranda:

– Køyr varsamt og etter forholda

Detaljregulering for skytebane på Stavseng

Feil gir høyringsfrist i desember