Video viser korleis Orly-angripar overraska soldat og tok våpenet hennar

Videoopptak frå Orly-flyplassens overvakingskamera viser korleis angriparen laurdag klarte å overraske ein soldat og deretter ta frå henne automatvåpenet.

Opptaket viser korleis Ziyed Ben Belgacem grip soldaten rundt skuldrene då den andre soldaten som patruljerte saman med henne, var litt lenger framme. Deretter slepp han frå seg ein bag som inneheldt ei kanne bensin. Med ein lada revolver drar han soldaten bakover, viser opptaket, som Associated Press har fått tilgang til.

I ein liten augneblink er det ingen som ensar at noko skjer. Ein passasjer med ein trillekoffert går forbi soldaten som blir halden fast, mens den andre soldaten held fram patruljeringa lenger framme. Plutseleg begynner folk å trekkje seg unna då angriparen drar med seg soldaten mot dei.

Han ropar at han ønskjer å drepe og døy for Allah, og prøver å dra automatvåpenet ut av hendene på soldaten nær ei samling passasjerar.

Videoen viser at Belgacem brukar henne som skjold etter at han skal ha fått kontroll over våpenet hennar. Men han reiser seg opp, noko som gir kollegaene hennar høve til å skyte han. Den kvinnelege soldaten kryp unna og Belgacem blir skoten og drepen. Heile opptrinnet varte i mindre enn tre minutt. Ingen andre vart såra.

Obduksjon viser spor av kokain, cannabis og alkohol i blodet til 39-åringen. Ifølgje påtalemakta var han på ein bar tidleg laurdag.

Far til 39-åringen har i intervju uttalt at sonen ikkje praktiserte islam, og at han drakk alkohol.

(©NPK)

Meir å lese på Sunnmøringen:
Siste nyheter

Hushjelper i Qatar får rettsvern mot lange arbeidsdagar

Qatar har vedtatt ei lov som skal sikre at hushjelper, barnepassarar og private kokkar ikkje treng å arbeide meir enn ti timar om dagen.

Sju drepne i sjølvmordsangrep sør i Afghanistan

Sju personar er drepne og 42 såra i eit bilbombeangrep i Helmand-provinsen sør i Afghanistan, ifølgje lokale styresmakter. Mange av offera skal ha vore sivile.

Dansk politi trur Walls kropp vart utstyrt med metall for at liket skulle søkke 

Dansk politi seier dei har funnet størkna blod frå Kim Wall i ubåten til Peter Madsen og at liket var utstyrt med metall for at det skulle søkke.

Nord-Korea legg fram ny rakettplan 

Nord-Korea har lagt fram planar for ei opptrapping av rakettprogrammet i landet. Regimet skal blant anna vere i gang med produksjon av ein ny rakettmodell. 

– Ei stor ære

Det seier Roger Furset, som søndag blei utnemnt til æresmedlem i Storfjordens Venner.

Monja Mjelva ved Hotel Union Geiranger:

Medlem i nytt samarbeidsråd for kultur og reiseliv

Ei av oppgåvene til den nye meiningsgruppa blir å gje råd til regjeringa, som ønskjer å lokke fleire kulturturistar til Norge.

Cruisetrafikken og Geiranger

Ministermøte

Ordførar Jan Ove Tryggestad og representantar frå Stranda Hamnevesen skal møte klima- og miljøministeren 12. september.

Stranda Feriesenter

Vil ha saka opp på ny

Siste ord om avslag på søknad om næringsstøtte til arkeologisk undersøking er ikkje sagt.

Fjord Trail Race

Stor innsats av Røde Kors

Røde Kors i Stranda hadde 31 frivillige på plass under Fjord Trail Race.

I regn og skodde

Imponerande tider i regnet

Jonathan Albon frå Bergen og England vann det lange Fjord Trail Race.

Matfestivalen

Er du ein matgründer?

Fylkesmannen ønskjer å delta i mobiliseringa av fleire lokalmatprodusentar.