Trump ønskte Erdogan velkommen til Det kvite hus

Tyrkias president Recep Tayyip Erdogan har komme Det kvite hus for å ha samtalar med USAs president Donald Trump.
utenriks

– Vi ser fram til å ha ein lang og produktiv samtale, sa Trump til pressa da han ønskte Erdogan velkommen.

Øvst på dagsordenen til dei to presidentane står venteleg den amerikanske våpenstøtta til Dei syriske demokratiske styrkane (SDF) og Erdogans erkefiende Fethullah Gülen, som bur i USA.

SDF er sett saman av kurdiske og arabiske krigarar, og er dominert av gruppa YPG, som Tyrkia oppfattar som ein forlengd arm av PKK, som står på terrorlista i fleire land. Den tyrkiske regjeringa er derfor rasande over den amerikanske våpenstøtta.

(©NPK)