Kvit elg i Sverige får leve vidare

Det blir likevel ikkje jakt på den kvite elgen i Värmland i Sverige. Den siste veka har ingen meldt frå om at elgen har vore aggressiv mot folk.
utenriks

Avgjerda til svenske styresmakter om å avlive den aggressive kvite elgen møtte protestar frå fleire hald.

Elgen blei først oppdaga og fotografert i sommar, og bileta gjekk verda rundt. Dei siste vekene har han oppført seg aggressivt både mot turgåarar og hundar, og politiet i Värmland bestemte at elgen enten måtte jagast til skogs eller avlivast.

Den siste veka har det derimot ikkje komme fleire meldingar om at elgen har vore aggressiv mot folk. Politiet i Arvika har derfor bestemt at den kvite elgen likevel får leve, skriv Aftonbladet.

(©NPK)