Vi må seie at vi forstår hakkespetten. Kven ville ikkje ha likt å hakke med ei slik utsikt?
            (Foto: Rita Rødset)

Vi må seie at vi forstår hakkespetten. Kven ville ikkje ha likt å hakke med ei slik utsikt?Foto: Rita Rødset

Hakkespetten må sjå seg om etter andre master

Stranda Energi håper at denne nye masta i Geiranger ikkje vil freiste hakkespetten like mykje som den gamle.

Fredag ettermiddag la Stranda Energi ut bilde på Facebook av ei ny mast som dei har sett opp i Geiranger.

Dei skriv at arbeidet med å skifte ut den gamle 22 kV-linja frå Korsmyra til Grande nærmar seg slutten, og dei håper no at hakkespetten finn seg noko anna å hakke på.

– Som ein kan sjå av bilda, er linja frå Korsmyra til Grande bygd med komposittstolpar. Dette er eit område vi lenge har vore plaga med hakkespett, og satsar no på at hakkespetten ikkje er så glad i dei nye stolpane, skriv selskapet på Facebook.

Ferdige med ein del

Nettsjef Terje Årdal fortel at dette berre er ein del av arbeidet dei har gjort i Geiranger.

– Vi er allereie ferdige på strekninga mellom Hotel Union og så langt 22 kV-linja går til Opplenskedal. Den delen vi har teke bilde av er frå Korsmyra, som er forbi Ørnesvingen og ned mot sjøen, seier han.

Årdal seier at dei var ferdige med strekninga Union-Opplenskedal for om lag ein månad sidan.

Prioriterer verdsarvbygda

Energiselskapet har valt å prioritere Geiranger, blant anna på grunn av lang utrykkingstid om det skulle skje noko. Ei anna av problemstillingane er at det ikkje går ferjer om natta.

– Vi har ikkje eigne folk der. Difor valde vi å prioritere Geiranger, og forsikre forsyninga der, slik at det blir minst mogleg feil, seier Årdal.

Utbetringane mellom Korsemyra og Grande var årsaka til at straumen var borte i nokre timar torsdag.

Meir å lese på Sunnmøringen:
Siste nyheter

Problem i trafikken

Snøkava held fram

Fleire vogntog har problem i trafikken på Stranda i morgontimane.

Fv. 63 Geiranger-Eidsdal

Open for trafikk

Rasferja Geiranger-Hellesylt

Ekstraavgangar søndag

Tricia Boutté-Langlo:

Heidra svigerfaren med bursdagssong

Den amerikanske songarinna inviterte til julekonsert saman med Ytre Suløen i Stranda kyrkje søndag.

Gerhard B. Relling med minne frå Stranda

Leiken etter snøfall på 1960-talet

Problem i trafikken

Snøkava held fram