Skisenteret opnar i dag

Opnar delar av anlegget i første omgang.

Strandafjellet, påska 2015.  Foto: Svein Lunde (Arkiv)

Nyhende

Sals- og marknadssjef ved Stranda skisenter Eivind Nordeide fortel at dei kjem til å opne Fursettrekket til mast fire, Snøkvit og 400 meter av barnetraseen i morgon, laurdag 12. november.

Nordeide, som også er administrerande direktør ved Stranda Hotell, fortel at den tidlege opninga er svært godt nytt.

– For få dagar sidan kåra Dagens Næringsliv Strandafjellet til det beste alpinanlegget på Vestlandet, og no får vi tidleg sesongopning og kan sjå fram til ein lang sesong. Det er veldig, veldig bra, seier han.

Stranda skisenter er på åttande plass i kåringa over dei 25 beste skianlegga i landet. Det er ei forbetring på to plassar sidan i fjor.