Alperittet avlyst

Alperittet, som skulle bli arrangert neste helg i Stranda, må avlysast på grunn av mangel på snø.

Avlyst Leiar for Alperittet-komiteen Leidulf Årvik kan ikkje gjere noko med snøtilhøva og må avlyse det årlege rennet.

Nyhende

- Dette er ikkje kjekt i det heile tatt. Vi seier oss svært lei for at vi må avlyse denne gongen. Det er ikkje mogleg å arrangere det på grunn av mangel på snø. Vi må setje tryggleiken framfor alt, seier leiar for Alperittet, Leidulf Årvik, til Sunnmøringen.

Arrangement som normalt

Vêret ikkje heilt på arrangørane si side

Alperittet vil ha meir snø

Sidan 1995 er det berre eit år Alperittet ikkje har vore arrangert. Slik håpar arrangørane at det framleis blir.

Samstundes strekar han under at alle arrangement som ikkje har direkte tilknyting til sjølve rennet, går som normalt. Det gjeld t.d. Ølfestivalen på Stova torsdag og arrangement som hotellet står for.

- Korleis kan de vere så sikre på at det ikkje kjem meir nedbør?

Snøen forsvinn

- Vi har konferert med meteorologar som alle seier at det blir mildare i veka som kjem. Mot slutten av veka kan det bli litt kaldare og kanskje nedbør, men det blir ikkje i nærleiken av å erstatte dei snømengdene som forsvinn i mildveret, seier Årvik.

Tryggleik viktig

Løypa skulle gå i ein trasé der det er hardt og lite snø. Med mindre snø er det vare for tryggleiken. Og tryggleiken er noko arrangørane må ta omsyn til.

-Kva med å flytte Alperittet til seinare?

Ikkje utsetje

-Det går ikkje av omsyn til logistikken. Det er no det er vinterferie og det er no frivillige kan hjelpe til, seier Årvik, som trur det vil vere mange utflytta strandarar som kjem heim denne helga. Han oppmoder difor alle til å ta del på dei arrangementa som ikkje blir avlyst.

For andre gong

Alperittet er blitt avlyst berre ein gong tidlegare, og arrangørane strekte seg langt denne gongen for å sleppe å avlyse.