Orgelkonsert med unge pianistar

På måndag får pianoelevar frå Geiranger, Eidsdal og Norddal anledning til å teste ut det nye orgelet i Geiranger kyrkje.

  Foto: Gunnar Inge Eide (Arkiv)

Nyhende

Kantor Gunnar Inge Eide fortel at det spesielle med denne kyrkjekonserten er at den eldste organisten ikkje er eldre enn 15 år – og den yngste er 10 år.

– Det er pianoelevar frå Geiranger, Eidsdal og Norddal som har gitt seg i kast med instrumenta si dronning og har førebudd ein flott konsert som dei no vil presentere for publikum. I løpet av vinteren har dei øvd inn eit fint program med orgelmusikk frå forskjellige tider, seier Eide.

På programmet står musikk av store, kjende komponistar som Bach, Charpentier og Dvorak – med fleire, og folkemelodiar frå fleire land.

Nokre av stykka blir også med blåseinstrument eller gitar saman med orgelet, fortel Eide.

Konserten er førstkomande måndag, 20. mars.