Matministeren til Ørsta

Landbruks- og matminister Jon Georg Dale skal til Landbrukskonferansen 2017 førstkomande fredag.

Jon Georg Dale på talarstolen under kunngjeringa av Orkla Foods Norge si storsatsing på Stranda i slutten av mars.  Foto: Johan Behrentz

Nyhende

Konferansen «Vestlandsbonden» blir arrangert av Ørsta næringskontor i samarbeid med landbrukskontoret Ørsta Volda og representantar frå næringa, opplyser Ørsta kommune.

Politisk duell

Jon Georg Dale (Frp), Ingunn Foss (H), Pål Farstad (V), Per O Lundteigen (SP) og Steinar Reiten (KrF) er blant dei som vil halde politiske appellar.

Det blir også innlegg frå Einar Frogner frå Norges Bondelag, Merete Furuberg frå Norges bonde- og småbrukarlag og Christian Anton Smedshaug frå AgriAnalyse/Vestlandsrapporten.

Dagen blir avslutta med paneldebatt og etterfølgande politisk duell mellom Dale (Frp) og Lundteigen (SP).

Utstillingsmesse

I år er Landbrukskonferansen samordna med ”Agri Nordvest”, som er ei sals- og utstillingsmesse for landbruksmaskiner, og med standar frå ulike aktørar i næringa.

Konferansen vil gå føre seg i Ørsta kulturhus fredag, medan utstillinga vil vere på grusbana ved Ørsta stadion både fredag og laurdag.