Testar løype for terrengsykling

Den 24. juli skal røynde terrengsyklistar i vårt område bryne seg på ei flott rute: Helsem/Drege/Roaldshorn/Ødegårdsnakken.

Flott løype Røynde terrengsyklistar skal den 24. juli teste potensialet for terrengsykling i Stranda.Foto: Arkiv

Nyhende

Det er Nordic Escape som står for sykkelarrangementet, i nært samarbeid med fleire kommunar på Sunnmøre.

– Vi er med på dette fordi vi såg eit potensial når det gjeld å utvikle opplevingsturismen i området, og fordi vi ønsker framgang for all type sykkelaktivitet i vårt område, seier næringssjef Inge Bjørdal.

Arrangementet i år er ein testrunde, for å tilverke og teste løypa. Det vil òg bli filma undervegs, og målet er å lokke til seg mange sykkelinteresserte til eit større arrangement som er planlagt i 2018.