Illustrasjonsfoto.
            (Foto: Håkon Mosvold Larsen / NTB scanpix / NPK)

Illustrasjonsfoto.Foto: Håkon Mosvold Larsen / NTB scanpix / NPK

No begynner stortingsvalet

Allereie frå torsdag kan du vere med å bestemme kven som skal styre landet dei neste fire åra. For fire år sidan stemte tre av ti før sjølve valdagen.

Ved stortingsvalet i 2013 var det 855.255 personar som førehandsstemte. Det var ein kraftig auke frå 473.000 førehandsstemmer i 2005.

– Førehandsstemming er blitt stadig meir populært. Veit vi kvifor?

– Ein viktig grunn er at kommunane legg betre til rette for førehandsstemming. Det er for eksempel mogleg mange stadar å førehandsstemme på kjøpesenter, trafikk-knutepunkt, i gågater og liknande. Dermed er det blitt lettare og meir tilgjengeleg for innbyggjarane, seier kommunalminister Jan Tore Sanner (H) til NTB.


Han fortel at kommunane har ansvaret for å annonsere førehandsstemming, bestemme opningstider og fortelje innbyggjarane korleis dei kan førehandsstemme.

– I år kan ein altså førehandsstemme frå og med torsdag 10. august til og med fredag 8. september, seier Sanner.

Alle kan førehandsstemme

– Kan ein førehandsstemme kvar ein vil?

– Du kan førehandsstemme i kva som helst kommune, uavhengig av kvar du bur. Det er ein fordel, men ikkje nødvendig, å ta med valkortet. Men hugs legitimasjon. Og etter fredag 8. september kan du berre stemme der du var folkeregistrert busett per 30. juni i år.

– Kven passar det best for å førehandsstemme?

– For eksempel dersom du har praktiske utfordringar med å stemme på valdagen. Tidlegare var det nok mange som var på reise under valet, som førehandsstemte. Men dersom du for eksempel jobbar i ein annan kommune enn der du bur og er usikker på om tida strekkjer til på valdagen, då bør du vurdere å nytte moglegheita til å førehandsstemme.

Ingen angrerett

– Kan ein angre på ei førehandsstemme dersom ein endrar meining i valkampen?

– Nei. Dersom du har førehandsstemt, så har du stemt. Ei førehandsstemme er like viktig og like alvorleg som å stemme på valdagen.

– Kjem statsråd Sanner sjølv til å førehandsstemme i år?

– Eg veit om mange politikarar som førehandsstemmer. Det er jo greitt dersom ein skal vere i Oslo og ikkje i heimkommunen på valdagen. For min eigen del veit eg at eg har god tid valdagen, for då driv vi ikkje valkamp. Men hadde eg vore det minste i tvil om eg ville rekke det, så ville eg ha førehandsstemt.

(©NPK)

Meir å lese på Sunnmøringen:
Siste nyheter

Legekontoret på Hellesylt

Sender saka til HOK

Kommunestyret vedtok torsdag å sende saka om legekontor på Hellesylt til handsaming i helse-, oppvekst- og kulturutvalet (HOK).

Ørnesvingen

Utforkøyring i Geiranger

Politiet melder litt over klokka fire laurdag ettermiddag om ei utforkøyring i Geiranger, i nærleiken av Ørnesvingane.

Ruteheftene i fylket

Vil kutte ut papiret

Samferdsleutvalet i Møre og Romsdal fylkeskommune skal onsdag avgjere om rutehefta i fylket kun skal finnast digitalt.

Breidbandsutbygging i Stranda

Avslag frå NKOM

Stranda kommune fekk avslag på søknad om tilskott til breidbandsutbytting frå Nasjonal Kommunikasjonsmyndigheit (NKOM).

Meteorsverm på himmelen

Orionidene synleg i helga

I helga kan alle som er interesserte i stjernehimmelen få med seg den årlege meteorsvermen Orionidene.

Legekontoret på Hellesylt

Sender saka til HOK

Ørnesvingen

Utforkøyring i Geiranger

Politiet melder litt over klokka fire laurdag ettermiddag om ei utforkøyring i Geiranger, i nærleiken av Ørnesvingane.

Ruteheftene i fylket

Vil kutte ut papiret

Breidbandsutbygging i Stranda

Avslag frå NKOM

Meteorsverm på himmelen

Orionidene synleg i helga

Reguleringsplan for Lien Hyttegrend

Eigengodkjend for andre gong

Kommunestyret vedtok mot to stemmer igjen å eigengodkjenne reguleringsplanen for Lien Hyttegrend. Det førre vedtaket vart oppheva av Fylkesmannen.

– Bli bøssebærar

– Meld dykk som bøssebærarar, er den klare oppmodinga frå aksjonskomiteen for TV-aksjonen.