Politiet ønskjer framleis tips om bil

Nyhende

Torsdag kveld melde Politiet i Møre og Romsdal på Twitter at dei er på utkikk etter ein raud Volvo 240 med registreringsnummer UX 35688.

Dei skreiv ikkje kor bilen kan vere, anna enn at dei ønska tips frå folk på Sunnmøre.

Fredag formiddag skriv Sunnmørsposten at politiet framleis er interessert i tips. No har ein også varsla fleire politidistrikt.

– Vi kan ikkje seie noko om årsaka. Det er ikkje noko kriminelt som har skjedd. Men vi ønskjer å kome i kontakt med denne bilen ut ifrå dei opplysningane vi har, seier operasjonsleiar Trond Olsen til smp.no.

Dersom ein ser køyretøyet, kan ein ringe politiet på telefon 70 11 87 00.