Geiranger-Langvatn

Snøfall stenger veg

Fv. 63 Geiranger-Langvatn blir stengt frå klokka 20 i kveld 6. oktober fordi det er meldt snø. Trollstigen kan også bli stengt på kort varsel, melder Statens Vegvesen.

Snø Det er meldt snø på Fv 63, og Statens vegvesen finn det rettast i stenge vegen.  Foto: Arkivfoto

Nyhende

- Det er meldt ein god del nedbør og minusgrader og vegen mellom Geiranger og Langvatn ligg på over 1000 meter på det høgste. Det er ikkje trygt å ha bilistar med sommardekk på fjellet når vegen ikkje er berr, fortel byggeleiar Kåre Berge i Statens vegvesen.

Ny vurdering

Det blir gjort ny vurdering om vegen kan opnast i morgon føremiddag. Bilistar som har tenkt seg over fjellet, må halde seg oppdatert på trafikkmeldingane på 175.no og sko køyretøya sine etter forholda om vegen er open.

Fv. 63 nattestengt ved Grønning i Valldal 9. og 10. oktober (Sunnmørssida av Trollstigen)

Stikkrenner skal skiftast

Måndag og tysdag neste veke vil fv. 63 vere heilt stengt ved Grønning mellom klokka 22 og 06. Grunnen er at tre stikkrenner (dreneringsrøyr gjennom vegen) skal skiftast ut. Det er ikkje mogleg å gjennomføre arbeidet med trafikk på vegen, melder Statens Vegvesen.