Skyttarstemnet Oslo Open

Isak skaut til gull

Isak Frøysadal Hauge (13) skaut seg til topp-plassering i Oslo Open i helga.

  Foto: DFS Landsskyttarstemnet

Nyhende

Dette melder nettstaden "Skyting på Sunnmøre" søndag kveld.

Oslo Open blir av skyttarar rekna som det uoffisielle Noregsmeisterskapet innandørs, sidan Landsskyttarstemnet kun skyt utandørs.

Isak Frøysadal Hauge var ein favoritt i rekruttklassa før finalen, etter å ha skote 250 poeng (full pott) som den einaste i klassen.

Han vart best i eiga klasse, men òg femte beste skyttar under 18 år. Isak Frøysadal Hauge er 13 år, så det er ein svært god prestasjon.

Hauge vann med knappe 0, 1 poeng føre regjerande Noregsmeister i rekruttklassa Caroline Finnestad Lund frå Søgne.

Martine Sve vart beste sunnmøring i U18, som vart nummer fire i sin klasse (eldre rekrutt) og i U18. Ho var heilt likt med Gaute Grøterud frå Sigdal etter ti finaleskot, men Grøterud skaut 0, 3 poeng betre på det eine omskytingsskotet.

Den tredje finaleskyttaren frå Sunnmøre, Ola Johan Dybvik, vart til slutt nummer seks i klassen eldre rekrutt og nummer ti i U18.