A-laget herrar:

Siger til Stranda i sesongopninga

Sport

– Tre sjansar og tre mål.

Det var det som gjekk igjen etter kampslutt på Stranda stadion.

Dei snakka om Tobias Lillebø Hjelle, som scora alle måla for heimelaget.

Fire mål i to omgangar

Stranda speler i 5. divisjon denne sesongen. Første motstandar var Giske IL.

Dei to første måla kom tett. Mindre enn eit kvarter ut i første omgang blei det 1-0 til Stranda, og like etter utlikna Giske til 1-1.

Deretter måtte publikum, som i hovudsak søkte ly frå regnet under paraplyar, taket på klubbhuset og i bilar, vente til andre omgang før det blei to mål til signert Hjelle.

Stillinga vart 3-1 til Stranda.

Spelar til legevakt

Halvvegs ut i første omgang fekk strandaspelar Jesper Hoel Røyr seg ein smell i hovudet i eit samanstøyt med ein spelar frå Giske.

Sunnmøringen veit ikkje i skrivande stund korleis det gjekk med Røyr, men assistenttrenar Robert Norangshol sa like etter kampslutt at han trudde det gjekk bra.

– Han kom seg, men tok seg ein tur til legevakt for sjekk, sa han.