Oslo Børs opp på første handledag etter påske

Oljeserviceselskapet TGS-NOPEC auka mest blant dei største selskapa då hovudindeksen på Oslo Børs tysdag steig 0,4 prosent til 894,29 poeng.
innenriks

TGS-NOPEC Geophysical Company klatra altså mest blant dei mest omsette selskapa, med ein oppgang på 4,1 prosent. Storebrand vart tapar tysdag, med eit kursfall på 2,6 prosent.

Energisektoren utmerkte seg mest i positiv retning og enda opp 2 prosent. IT-sektoren gjorde det dårlegast med ein nedgang på 1 prosent.

Prisen på nordsjøolje steig 66 cent til 74,7 dollar fatet tysdag ettermiddag. Eit fat amerikansk lettolje (WTI) blir omsett for 66,55 dollar, noko som er ein auke på 1 dollar.

Så langt hadde Wall Street hatt ein god start på dagen. Rundt klokka 17.30 var den leiande indeksen Standard Poor & 500 opp 0,7 prosent, medan den industritunga Dow Jones-indeksen hadde auka 0,5 prosent. Den teknologitunge Nasdaq-indeksen auka med 1 prosent.

For dei viktigaste børsane i Europa vart det ein blanda dag. I Frankfurt steig den tyske DAX-indeksen med 0,09 prosent, medan CAC 40-indeksen i Paris klatra 0,2 prosent. Ved 17.30-tida låg FTSE 100-indeksen i London an til å auke med 0,8 prosent.

Nikkei-indeksen i Japan steig 0,2 prosent, medan Hongkong-børsen enda uendra.

(©NPK)