Ap og Sp bekymra over gjentakande problem under politiutrykking

Aps Jan Bøhler og Senterpartiets Emilie Enger Mehl meiner det urovekkande at uheldige hendingar i politiets utrykkingssituasjon gjentek seg.
innenriks

I ein evalueringsrapport av PST og politiet etter terrorangrepet i Al-Noor-moskeen i Bærum i august 2019 kjem det mellom anna fram at politipatruljen feilnavigerte med Google Maps og forseinka utrykkingstida til moskeen. Det meiner Ap-politikar Jan Bøhler er synd.

– Det er synd at liknande problemstillingar som etter 22. juli framleis er oppe. Både når det gjeld operasjonssentralane og utrykkingstid, så gjentek kritikken seg, seier Bøhler. Han var 1. nestleiar i Stortingets 22. juli-komité.

Senterpartiets justispolitiske talsperson Emilie Enger Mehl meiner det er viktig å ta evalueringsrapporten alvorleg. Ho meiner rapporten viser kor nødvendig det er at politiet kjenner lokalsamfunnet.

– Dette er ei djup tragisk hending der den einaste som har skuld, er gjerningsmannen. Denne rapporten er likevel viktig å ta på alvor fordi han viser at politiet brukte dobbelt så lang tid som dei skulle, og ikkje fann fram, mellom anna på grunn av manglande lokalkunnskap, seier ho til NTB.

(©NPK)