Ikkje auka trafikk på vegane i morgonrushet trass busstreik

Morgonrushet på vegane i Oslo-området har måndag gått som normalt, sjølv om alle by- og regionbussar i Oslo og Akershus er tekne ut i streik.
innenriks

– Trafikken så langt er ganske lik måndag for ei veke sidan. Det har ikkje vore nokon endringar i dag etter det vi kan sjå, sa trafikkoperatør Hans Are Dahl ved Vegtrafikksentralen til NTB i 8-tida måndag.

Både Ruter og Statens vegvesen gjekk søndag ut og oppmoda folk til å bli heime måndag for å hindre auka press på annan kollektivtransport og vegnettet i samband med busstreiken.

Ruter opplyste til NTB i 8-tida måndag at dei førebels ikkje kunne seie om det har vore noka endring i talet på reisande på annan kollektivtransport i morgonrushet.

Søndag gjekk 3.800 bussjåførar i Oslo og Viken ut i streik. Alle by- og regionbussar er tekne ut i streik. Kollektivselskapet Ruter køyrer ingen bussar i Oslo og Akershus, og det er òg stans i busstrafikken hos kollektivselskapa Brakar og Østfold kollektivtrafikk i Buskerud og Østfold.

– Ikkje reis med mindre du må, hald anbefalt avstand og bruk munnbind etter tilrådingane frå helsestyresmaktene, skreiv Ruter i ei pressemelding søndag.


(©NPK)