Skjerping fekk VM-billett på overtid

To ferske noregsrekordar har gjort at Kristoffer Skjerping skal sykle VM-tempoen for Noreg i Innsbruck, fortel TV 2.
sport

Då Edvald Boasson Hagen melde seg som uaktuell til tempodistansen, var planen å droppe norsk deltaking på VM-tempoen heilt.

I etterkant av VM-uttaket har Skjerping sett noregsrekord på 10 og 20 kilometer.

– Vi ønskjer å gje eit signal om at vi vil ha ryttarane til å satse på tempo. Ingen andre har køyrt så fort før, og då fortener han òg ein plass i VM. Eg er meir usikker på kva dette kan halde til i Innsbruck. Dei beste er på eit heilt anna nivå, men på det aller ypparste kan Kristoffer klare ei topp-25-plassering, seier sportssjef Hans Falk i Norges Cykleforbund.

Vita Heine skal sykle tempo for Noreg i kvinneklassen.

(©NPK)