Ambassadørar byter plass i Brussel og Paris

Regjeringa har vedteke å sende EU-ambassadør Oda Sletnes til Paris og Paris-ambassadør Rolf Einar Fife til EU.
utenriks

Rolf Einar Fife overtek dermed som ambassadør ved den norske EU-delegasjonen i Brussel, mens Oda Sletnes overtek som Noregs ambassadør til Frankrike. Tidspunkt for tiltreding er førebels ikkje kjent.

Dei to har begge lang fartstid i utanrikstenesta.

Sletnes har mellom anna leia europaavdelinga i UD og vore president i EØS-tilsynet ESA.

Fife var norsk forhandlingsleiar då delelinja i Barentshavet vart bestemt i 2010.

(©NPK)