Stor fotballturnering

Fotballen sin festdag på Mona

Ein litt traurig haustdag stoppa ikkje fotballgleda for mange unge fotballspelarar på Stranda stadion laurdag.
Nyhende

Over heile Sunnmøre vart det arrangert turneringar for dei aller yngste i fotballfamilien. På Stranda var lag frå Storfjordområdet og ein klubb frå Ålesunds-området representert.

Laga, i alderen 6-9 år, var inndelt i to puljer slik at det heile var godt komprimert. Ikkje nokon måtte gå våt og kald over lang tid. Det skal arrangøren, Stranda Fotball, ha ros for. For i periodar var det kaldt haustregn i store mengder som bada Stranda stadion.