Melding frå ordføraren:

Studentar må ikkje i karantene - enno

Ordførar Jan Ove Tryggestad seier at Stranda kommune ikkje vil oppfordre studentar frå raude sonar om å gå i 10-dagars karantene når på noverande tidspunkt, men at saka vert diskutert fortløpande.

For tidleg: Ordførar Jan Ove Trygestad meiner det er for tidleg å svare på om studentar frå raude soner må i karantene når dei kjem heim. til Stranda.  Foto: Johan Behrentz

Nyhende

Tysdag skriv NRK at seks kommunar i Møre og Romsdal fryktar smitte og ber studentar frå raude område om å gå i 10-dagars frivillig karantene når dei kjem heim.

Så langt har Kristiansund, Molde, Hustadvika, Rauma, Aukra og Averøy slutta seg til tilrådinga frå Folkehelseinsituttet (FHI).

Tryggestad seier at Stranda kommune er i dialog om saka.

– Det er for tidleg å seie ja eller nei, men vi følger nøye med framover, seier han.

– Innbyggarane og næringslivet på Stranda har gjort ein god jobb for å halde smitten nede. Vi vil derfor halde oss til dei anbefalte råda frå Folkehelseinstituttet og regjeringa, og vurdere saka deretter, seier han.

Sunnmøringen ønsker en åpen og saklig debatt. Alle innlegg blir kontrollert etter publisering. Vi forbeholder oss retten til å forkorte, redigere og fjerne innlegg.
Nyhende