Teksta under er skriven av tilsette i Tindra Nett AS og tilsette i Stranda Energi AS.
For tilsette i Tindra Nett og Stranda Energi er det no uvisse – om vegval vidare for selskapa vi arbeider i og for. Har vi tryggleik for arbeidsplassane våre – her på Stranda?
Som kjent i media pågår forhandlingar om samanslåing – fusjon – mellom våre selskap – med tilsvarande selskap i Tussa Kraft-konsernet. Kommunestyret i Stranda har no fått saksdokumenta og grunnlaget for eigaren – Stranda kommue – si handsaming til vedtak i saka, no onsdag 2.11.22. Dette er ei svært viktig sak for dei tilsette.
Det blir diskusjon bak lukka dører under kommunestyret
Verksemdene vi jobbar i/for tilbyr distribusjon – produksjon – og sal / forvaltning av fornybar og rein energi – samt utleige av fiberlinjer. Talet på små energiselskap blir dessverre færre og færre, mykje grunna konkurranse og endring/forverring av rammevilkåra for dei små energiselskapa. Dette likar vi svært dårleg – men kan dessverre lite gjere med – men vi må konstantere og forhalde oss til faktum.
Eigaren vår – Stranda kommune – ba styret og administrasjonen om å utgreie moglege alternativ for evt. samarbeid med andre selskap. Dette for å sikre, oppretthalde og vidareutvikle dei økonomiske, beredskapsmessige og menneskelege verdiane som selskapa våre representerer.
Arbeidet har pågått i 1-2 år – og Stranda kommune v/ kommunestyret har no fått framlagt tilbud – gjennom avtalar om m.a. aksjebytte, garantiar for dei tilsette –vedkomande samanslåing av Stranda Energi Holding med Tussa Kraft.
Det er ikkje snakk om sal – men fusjon/samanslåing med eit større konsern i regionen, der Stranda kommune bytter aksjer i Stranda Energi Holding med aksjer i Tussa Kraft.
Vi tilsette trur dette vil være det beste vegvalet no for å sikre verdiskapinga vidare for våre selskap, og sikre lokale arbeidsplassar og lokal beredskap. Saman med Tussa Kraft blir vi meir robuste innanfor- og gjennom dei ulike samanslåtte selskapa.
Gjennom forhandlingar foreligg no m.a. ein garantiavtale mellom Stranda kommune og Tussa Kraft - som sikrar alle arbeidsplassane våre – og at dei forblir her på Stranda.
Å halde fram som no – heilt eller delvis ser vi ikkje på som forsvarleg lenger. Vi fryktar då at arbeidsplassar vil gå tapt – og våre aktivitetar forsvinn ut av bygda.
Det framgår av saksdokument at fleirtalet i styret, administrasjonen i selskapa
– og dei T I L S E T T E anbefaler ei samanslåing – no - med Tussa Kraft AS.
Dei tilsette meiner at ei samanslåing med Tussa Kraft vil vere det beste for å sikre:
Dei beste løysingane samla sett for verksemdene i Tindra Nett og Stranda Energi.
Betre tilgang til større ressursbasar – kompetansemiljø og utvikling.
Å kunne halde fram - og auke dei økonomisk verdiane i selskapa våre.
Oppretthalding av virksomheitene lokalt.
At dagens- og talet på våre arbeidsplassar vert oppretthaldt – på Stranda.
Dei t i l s e t t e i Stranda Energi og Tindra Nett anbefaler – og vil be om at :
Stranda kommune v/ kommunestyret godkjenner samanslåinga av Stranda Energi Holding og Tussa Kraft slik saka no er framlagt for kommunestyret til vedtak.