Sky Sports: Conte svært nær Inter-jobben

Antonio Conte skal vere detaljar unna å signere ein trenarkontrakt med den italienske fotballklubben Inter.
sport

Det melder Sky Sports i Italia.

Conte har i lengre tid vore sett i samband med den ledige jobben i Inter. Samtidig har han òg vore sett som ein av dei heitaste kandidatane til å etterfølgje suksessrike Massimiliano Allegri i Juventus.

No tyder mykje på at 49-åringen, som har vore utan trenarjobb sidan han fekk sparken i Chelsea i juli 2018, er på veg tilbake i fotballmanesjen.

Inter er nummer fire i Serie A før siste serierunde. Klubben kjempar for plass i meisterligaen neste sesong.

(©NPK)