Gode resultat i skiskyting

Øvst på pallen

Sunnylven IL sine skiskyttarar deltok på KM i skiskyting på Ullsheim i helga. Totalt 10 utøvarar deltok for klubben.

Krinsmeister: Elias Helset vart krinsmeister i klasse gutar 14 år i sprint laurdag i Ullsheim. Foto: Eivind Louis Helset  Foto: Eivind Louis Helset

Nyhende

Det var fine forhold i skiskyttarløypene då arrangørklubben Markane IL hadde stelt i stand krinsrenn i helga. Løypene var godt preparerte og godt merka. Dermed kunne dei om lag 100 deltakarane i dei ulike klassene konsentrere seg om det dei var der for, nemleg å gå på ski og skyte blink.

Smell og krutlukt

Det gjekk ikkje lang tid frå innskytinga starta til krutlukta låg tungt over skiskyttarstadion. Geværa vart testa av utøvarane og dei yngste fekk hjelp til justering av våpenet av kunnige vaksne hjelparar.