Offisiell opning av bassenget ved Ringstad skule

Endeleg symjing

Høgtidleg: Vaktmeister Andre von Soosten og rektor Bjørn Helge Nygård fekk god hjelp til å opne det nyleg reparerte bassenget.  Foto: Ole Tommy Hanssen

Nyhende

Måndag fekk førsteklassingane ved Ringstad skule for første gong prøve seg i bassenget då det var klart for offisiell opning av det nyleg reparerte symjebassenget. Dette var førsteklassingane sitt første møte med symjeundervisninga og det verka som at fleire hadde sett fram til denne dagen.

Høgtidleg seremoni

Sjølve opninga var av høgtidleg sort. Rektor Bjørn Helge Nygård heldt ein liten tale, før han fekk hjelp frå to elevar til å klippe snora. Dei andre elevane fylgde spent med ifrå vatnet, utstyrte med norske flagg for anledninga. Med opninga unnagjort kunne elevane rydde vekk flagga og sleppe seg lause i det oppvarma vatnet.