Regjeringa vil skjerpe straffa for smittekriminalitet

Regjeringa vil heve straffenivået for grov smitteoverføring frå tre til seks års fengsel. Samtidig skal det meir til for å bli straffa etter dette forslaget.

Regjeringa foreslår også å heve straffenivået for det som blir kalla allmennfarleg smitteoverføring til 15 års fengsel. Denne føresegna rettar seg mot forsettleg smittespreiing gjennom luft, vatn, næringsmiddel eller andre «gjenstandar bestemt for alminneleg bruk eller sal», ifølgje proposisjonen.

Allmennfarleg smitteoverføring kan også bli ramma av terrorlovgjevinga, som har ei øvre strafferamme på 30 års fengsel, dersom det har skjedd i terrorhensikt.

«Ordinær» smitteoverføring – grov eller grovt aktlaus – omfattar som oftast sjukdomssmitte mellom to eller fleire personar, som hivsmitte ved seksuell omgang der det ikkje er gitt samtykke eller tatt smitteførebyggjande grep.

Smitteoverføringa må i begge tilfelle utgjere fare for liv eller helse for at den skal vere straffbar. Også forsøk på smitteoverføring som utgjer fare for liv og helse er straffbar.

Samtidig ønskjer regjeringa å fjerne straffansvar for aktlaus smitteoverføring, men hevar derimot øvre strafferamme for grov aktlaus smitteoverføring til seks års fengsel.

(©NPK)

Meir å lese på Sunnmøringen:
Siste nyheter

Mot fleirtal for å ta olje og gass ut av oljefondet 

Det kan gå mot fleirtal på Stortinget for Norges Banks råd om at oljefondet sel seg ut av olje- og gassaksjar.

Solberg sponsar Nobel-feiringa med friske kroner

Statsminister Erna Solberg (H) droppa applausen under delar av Nobel-foredraget, men blar opp friske pengar til feiringa. 

Innstiller Drevland som nytt medlem av Kringkastingsrådet

Måndag innstilte Stortingets valkomité tidlegare bergensordførar Trude Drevland som ny medlem av Kringkastingsrådet.

Listhaug med 26 spørsmål til Stortingets returstans

Innvandringsminister Sylvi Listhaug (Frp) har heile 26 konkrete spørsmål til stortingsvedtaket om returstopp til Afghanistan. Smørbrødlista kan bli lengre. 

Fleire reiste med fly i november

Talet på passasjerar som reiste med fly frå ein av Avinors flyplassen auka med 3,2 prosent i november. Innlandstrafikken aukar mest.

Tricia Boutté-Langlo:

Heidra svigerfaren med bursdagssong

Den amerikanske songarinna inviterte til julekonsert saman med Ytre Suløen i Stranda kyrkje søndag.

Gerhard B. Relling med minne frå Stranda

Leiken etter snøfall på 1960-talet

Problem i trafikken

Snøkava held fram