Gode meldingar

Siste nytt om 17. mai-vêret er at det ser lovande ut.

Frå 17. mai på Stranda i 2014.  Foto: Maria Nerhus (Arkiv)

Nyhende

Meteorolog Anders Sivle ved Vêrvarslinga på Vestlandet seier at dei ikkje veit om det blir ein skyfri dag i Stranda kommune nasjonaldagen, men at det ser ut til å bli ein fin dag.

Slik meldingane er no, kunne det nesten ikkje ha klaffa betre, seier han.

 – Det blir nok litt nedbør i natt, men opphald frå i morgon tidleg av. Etter kvart vil skydekket sprekke opp og det ser ut til å bli ein fin dag i Stranda. Deretter kjem det litt regn igjen natt til 18. mai. Det er nesten så god timing som ein kunne ha fått – med regn på dagane før og etter 17. mai, og opphald på nasjonaldagen, seier Sivle.

Om alt klaffe kan temperaturane kome opp i 16 grader midt på dag, seier meteorologen. Det er også meldt om lite vind.