Ny sterk prestasjon av Kristine

Kristine Hjellbakk Hole, Sunnylven IL, held fram med å imponere i langrennsporet.

Kristine Hjellbakk Hole har nok ein gong flotte resultat i langrennsløypa.  Foto: Atle Hole (Arkiv)

Sport

Sist helg deltok ho i Nyttårsrennet i Molde, eit renn som samla deltakarar frå fem år til og med senior.

Som vanleg vann sunnylvs-jenta klasse J 15 år, denne gong på tida 18.02. Ei tid berre Ingrid Nerem, Emblem IL, tukta av jentene, som vinnar av klasse 19-20 år. Ho gjekk løypa på 17.55, sju sekund raskare enn Kristine. 

Sist sesong sanka Nerem godt med NC-poeng, så prestasjonen i Molde lovar særdeles godt for Kristine. Ho var einaste deltakaren frå Sunnmøringen sitt dekningsområde i dette rennet.